لا تستفزني

هلا سيد قلبي القديم : بتمنى منشان المصداقية تنشر تعليقي عندك

بين صدة عزيز و كبرياء مهزوم عين شحت عليي و عين اعتذرت و الحمدلله انو الله خلقني من بكايي معصوم و انت بتعرف لو أنو عيوني فاضت لكانت فضحتني

عفا الله عن غدر الخناجر , انا وفرت دموعي ترى هدر الدموع اذلال , و ترى ما حدا صبر متل صبري بغربالك , و انا عيب عليي انقض كلامي , اذا قلت بقطع حبالك بقطعها , عشان اكسب رمش عيونك تجرعت العذاب اشكال

تحملت التعب عشانك و انا حملي يهد جبال , رحلت من العذاب و ما وقفت الا على جالك , كل ما اجيك متواضع تجيني مختال ,معاك صبري يحلالك كان متل ما اجيت لعيونك لازم تجيني باقبال

انا ما كان حدا جابرني اني ابقى معك , لأني ماني تابعلك و لا مربي ولادك , انا جيت اعشقك نبض و مشاعر ما جيت اعشقك تمثال , انا جيت استفز رضاك من بعدك و من قربك , انا ما عشقتك عشق عاقل انا حبيتك حب هبال , تخيل اني قد ما كنت خاف انو الزعل يدخل بيناتنا كنت خاف ادعس عا خيالك و تدوس رجلي عا ظلك .

صحيح كان الفراق اقسى و كمان الوصال محال , و انا هلأ صعب عليي ارضي غرورك و اضعف قبالك بعد ما حققت عيني ببعدك للنوم امال , انو ارجع للسهر يا خيي فال الله و لا فالك

بعد ما قريت رسالتي هون بدلت نظرتي فيك و هلأ رح بدل نظرتك فيني و حا اجيك كل يوم بحال , رح لمك و رشرشك , ارجع اجمعك و فرقك , رح خونك و ازعجك , و ارضيك و ازعل منك و ارضالك ,

بعد ما شفت رسالتي هون رح بلش ارسم بالتراب وجهك و ادفن صورتك برمال , رح اشكي للناس فرقاك و اضحك بين عذالك ,رح اهديك الفراق وصال و الوصال فراق , رح اعمل و اتصرف بكل افعالك , منشان تعرف هلأ مبن فبنا اللي بيزعل و مين بيرضا افعالك , خليك تدوق فنجاني و انا دوق فنجانك ,

نصيحة و بدي ياك تحتفظ فيها , لو قصر معك الزمن او طال , اذا قررت تنشر رسالاتي هون و تعمل جنون اطفال , انا رح صير اهبل اكتر من اول و اشتغل متل الأطفال , و اذا قصدك تهين اسمي عا شان تشمت فيي العذال حشا يا حبيبي القديم لا انت و لا غيرك و لا مية من امثالك يشمت فيي بحرام او حلال